Málningarvörur er fyrirtæki sem byggir á áratuga reynslu og gömlum merg. Eigendur eru hjónin Guðrún Aðalsteinsdóttir og Karl Jónsson. Rekja má sögu fyrirtækisins allt aftur til þess tíma þegar þáverandi eigandi Þorsteinn Baldursson fékk umboð fyrir Sikkens í heildsölu sína, Gísli Jónsson og Co ehf. á 8. áratug síðustu aldar. Fyrirtækið var kennt við stofnandann, alþingsmann frá Bíldudal sem gerði garðinn frægan m.a. þegar nýsköpunartogarar komu til sögunnar á 5. áratug síðustu aldar.

Hann stofnaði einnig niðursuðuverksmiðju í heimabyggð sinni sem varð þekkt fyrir Bíldudals grænar baunir svo fátt eitt sé nefnt. Málningarvörur urðu sjálfstætt fyrirtæki árið 2006 og hefur síðan verið leiðandi fyrirtæki hér á landi í vörum og tækniþjónustu fyrir réttingar- og sprautuverkstæði sem og bílabón og bílahreinsivörur fyrir bónstöðvar og neytendur.
Málningarvörur ehf. er til húsa að Lágmúla 9, 108  Reykjavík (bak við NOVA).